Saturday, 28 May 2016

Cricket Me Career Kaise Banaye Cricketer Bane ??


Cricket Me Career Kaise Banaye Cricketer Bane ??

Cricket aaj desh ke yuvaon ki pehli pasand ban gaya hai. Jab bhi cricket match hota hai to tv par usay dekhne ki bheed se aap andaza laga sakte hain. Ki cricket hamare desh mein itna lokpriya ho gaya hai ki yuva cricketer banne ka sapna dekhne lage hain. Lekin cricket mein career banana itna aasan nahin hai. Lekin namunkin bhi nahi Hai but aasan isleye nahi Hai ki keval kuch log hi cricket mein career bana pate hain. Cricket mein career banane ke liye kuch baton ka dhyan rakhna bahut zaroori hai.
- Aaiye jaane kya hain woh baatyen.
Cricketer Kaise Bane.--Sabse pehle apne ko parkhen
Cricket dekhna accha lagta hai iska matlab yeh nahin ki aap cricket accha khel bhi lenge. Cricket mein career banane ke liye aapke andar bahut zyada urja hona chaiye. Agar aap physically strong hain au 8 se 10 ghante bina thake field mein mehnat karne ki daud bhaag karne ki kshamta rakhte hain tab hi aap is field ko apna career banaye.
-- vehe apne Doston ke saath Cricket khelkar dekhen
--Ab jab aap apne ko physically fit pate hain aur itni mehnat kar sakte hain to aap is career ki aur ek kadam badha sakte hain. Agla kadam hai ki aap cricket mein kitne acche hain. Aap apne doston ke saath cricket khelen. Aap aur apke dost cricket mein bilkul anjaan hain aur kisi ne bhi training nahi li hai. Aise mein sab ek barabar hain aur keval match dekhkar hi seekhe hain. Ab yadi aap apne doston ke beech sabse accha pradarshan karte hain ya top 3 mein rehte hain to aap cricket ke career ki aur doosra kadam badha sakte hain par aap apne doston ke saath kam se kam 10 match khelkar yeh dekhen ki cricket mein aap kahan rehte hain.
--Cricket sikhna shuru karen
Ab yadi aap apne doston ke beech accha cricket khel lete hain to ab aap kisi acche coach se cricket sikhna shuru karen. Cricket ke khel ka sara saman bhi aap khareed len aur cricket mein pura dhyan den. Halanki is tarah apki padhai prabhavit hogi par apko aisa time table banana padega ki cricket ke saath apki padhai prabhavit nahin ho. Cricket ko ab aap gambhirta se len aur aapke parivar walon ko bhi isay gambhirta se lena chahiye. Jab aap cricket khel rahe hon to pariwar wale ye nahin sochen ki app khel rahen hain balki yeh sochen ki aap career bana raha hain tabhi aap cricket mein career bana payenge.
--Kuch pramukh cricket coaching center hain The Cricket club of India Mumbai, The Cricket Club of India New Delhi, Britannia Roger Binny Acadamey Banglore, MRF Pace Foundation Chennai, Ashok Malhotra Cricket Academy Kolkata, MAC Spin Foundation Hyderabad etc.
--or jab bhi koi Cricket ki  pratiyogita hoti  hai tab aap us mein bhag le.
-Ab aap apne school mein hone wali cricket pratiyogita, Inter school pratiyogita, inter city pratiyogiya aur yahan tak ki inter state pratiyogita mein bhag len. Pratiyogitaon ki jaankari aap ko apne coach se aur school se to milege hi saath hi aap usay internet se bhi prapt kar sakte hain. Har pratiyogita mein accha pradarsahn karen jisse ki aap par hi sabka dhyan rahe aur aap ka agli team mein aasani se chayan ho sake.
--Ranji trophy mein khelana apna lakshya raken
Rajyon mein cricket ke liye Ranjit trophy ko sabse badi aur mahtvapurna mana jaat hai. Yadi apke distric level ke matches mein accha pradarshan kiya hai to apko Ranjit trophy mein khelene ka avsar mil sakta hai. Isliye apne pradarshan ko har baar sabse accha dikhayen. Yadi aapko Ranjit trophy mein khelne ka avsar mil gaya to samajhiye ki aapke career se juda yeh ek bahut accha mod hai aur aapka Indian nationl cricket team ke liye chayan kiya jaa sakta hai kyonki Ranji trophy ke acche khiladiyon ko aagae khelne ka avsar prapt hota hai.
--Indian National Cricket Team mein khelne ka avsar
Ranji Trophy mein accha khelne se apko Indian National Cricket Team mein khelne ka avsar mil sakta hai. Aajkal Twenty Twent, ODI aur test matches hote hain. Agar aap ko national level par kisi bhi match mein khelne ka avsar milta hai aur aap usmay accha pradarshan karte hain to apka career cricket mein badhta hi jaayega.
                              
     Thank you .

No comments:

Motivation सफलता पाने का जज्बा हमेशा जगाए रखेंगे

 फिल्मों के ऐसे Dialogue  जो आपको कहीं हिम्मत नहीं हारने देंगे और  सफलता पाने का जज्बा हमेशा जगाए रखेंगे: Sultan कोई तुम्हे तब तक नहीं हरा स...